Италияда циркдан қочган шер бир неча соат шаҳарда айланиб юрди. Ижтимоий тармоқларда аҳоли томонидан суратга олинган йиртқичнинг видеолари пайдо бўлди.
Видеоларда Кимба лақабли арслонни шаҳар атрофдаги далаларда, кейин эса турар-жойларга кирганлигини кўриш мумкин. Аҳоли ҳайвонни балконларидан кузатиб туришган.
Йиртқични қидиришга полиция вертолёти, цирк ишчилари, йўл инспекторлари ва қуролли ветеринарлар жалб этилган.
Арслонга тинчлантирувчи ўқ отилган ва у ухлаб қолгач, циркка олиб кетишди.
