Исроил ҳукумати 7 октябр куни Исроил ҳудудидан ўғирлаб кетилганларни қайтариш бўйича Фаластиннинг ҲАМАС ҳаракати билан келишув шартларини тасдиқлади.
Исроил матбуоти томонидан эълон қилинган келишувга кўра, тўрт кунлик оташкесимнинг биринчи босқичида 50 киши озод қилинади. Улардан 30 нафари болалар, 8 нафари оналар ва яна 12 нафари аёллардир. Бунинг эвазига Исроил ўз қамоқхоналарида қотиллик билан шуғулланмаган 150 нафар фаластинлик маҳбусларни – аёллар ва вояга етмаганларни озод қилади.
Биринчи босқич тугагандан сўнг, ҲАМАС қўшимча гаровга олинганларни озод қилади ва бунинг эвазига ҳар ўғирланганлар учун учта маҳбус учун озодлик ва ҳар ўнта гаровга олинган учун бир кунлик сулҳга эга бўлади.
Бундан ташқари, Исроил ҳарбий-ҳаво кучлари ўт очишни тўхтатиш режими амал қилаётган вақтда ҳар куни олти соат давомида Ғазо сектори устидан уча олмайди. Шу билан бирга, Исроил ўт очишни тўхтатиш бўйича келишувларнинг ҳар қандай бузилиши учун ҲАМАС "катта тўлов" тўлашини шарт қилиб қўяди.
Шунингдек, Халқаро Қизил Хоч қўмитаси вакиллари қолган гаровга олинганларни бориб, уларга дори-дармон беришлари мумкинлиги ҳақида келишув мавжуд. Бундан ташқари, келишув доирасида Исроил ҳар куни Рафаҳ ўтиш жойидан Ғазога 300 га яқин юк машинаси гуманитар ёрдам, шунингдек, Ғазо секторидаги касалхоналар ва новвойхоналар учун ёқилғи етказиб беришга рози бўлди.
