Франция президенти Эммануел Макрон Конституциявий кенгашдан 19 декабрь куни парламентда қабул қилинган янги миграция қонунининг конституцияга мувофиқлигини кўриб чиқишни сўради.
Франция парламенти аввалроқ узоқ давом этган муҳокамалар чоғида миграцияни кучайтириш бўйича баҳсли қонун лойиҳаси матнини маъқуллаган эди.
Қонун лойиҳаси малакали ишчилар учун Францияда вақтинчалик яшаш учун рухсатномаларни назарда тутади. Қонун лойиҳаси, шунингдек, бошпана бериш тартибини соддалаштиради. Аммо чет эл фуқароси Францияда беш йил яшагандан кейингина давлат имтиёзларини олиши мумкин бўлади. Ишга эга бўлганлар учун бу муддат 3 ой бўлади.
Қонун лойиҳасига кўра, хавфсизлик кучларига қарши жиноят содир этган икки фуқаролиги Франция фуқаролигидан маҳрум этилиши мумкин.
Қонунга кўра, Францияга ўқиш учун келган халқаро талабалар депозит тўлашлари керак бўлади.
Депозит талабани Франция ҳудудидан чиқариб юбориш тўғрисида қарор қабул қилинган тақдирда уни қайтариш харажатларини қоплашга мўлжалланган.
Агар Конституциявий кенгаш қонунни маъқулласа, ҳужжат расман эълон қилинади. Акс ҳолда Франсия Миллий Ассамблеясида овоз бериш натижалари бекор қилинади. Шунингдек, Конституциявий Кенгаш қонун матнидан баҳсли моддаларни чиқариб ташлаш ҳуқуқига эга.
