Татаристон компанияси Иркутск вилоятида радиоактив моддаси бўлган капсулани йўқотиб қўйди.
"ТаграС" холдинг таркибига кирувчи "ТНГ-Групп" компания ходимлари ўтган ҳафта кучли қор бўрони бўлаётган бир пайтда Иркутск вилоятидаги Уст-Кутдан тадқиқот ўтказилаётган жойга кетаётганда, радиоактив модда бўлган капсулани йўқотиб қўйишган. Компания директори ичида радиоактив цезий-137 моддаси бўлган капсула солинган контейнер бузилмас ва хавфли эмаслигига ишонтирмоқда.
Шариповнинг сўзларига кўра, компсула энг паст, тўртинчи хавфсизлик тоифасига киради ва ҳимоя идишига жойлашган. Шундай бўлсада уни топиб олганлардан контейнерни очмаслик сўралмоқда.
Ҳозирда иккита гуруҳ йўқотилган копсулани қидирмоқда, тергов идоралари ишламоқда. Аммо қорли бўронда ушланган капсулани топиш унчалик осон эмас. Компания капсула ҳақида маълумотга эга бўлганларга 200 минг рубль мукофот ваъда қилмоқда.
База телеграм канали хабар беришича, компания радиоактив капсуланинг йўқолгани ҳақида полицияга фақат 16 январь куни ариза берган. Маҳаллий нашрларнинг хабар беришича, цезий-137 ни йўқотган гуруҳ "Газпром" конига кетаётган бўлган.
Цезий-137 билан узоқ муддатли алоқа терининг куйиши, ўткир нурланиш касаллиги, саратон ва ҳатто ўлимга олиб келиши мумкин.
