Украина ва Молдова президентлари Владимир Зеленский ва Майя Санду Грузия ва унинг халқидан мамлакатнинг собиқ президенти Михаил Саакашвилининг қамоқдаги қийноқлар ҳақидаги “ёлғонлари” учун узр сўраши керак.
Бу ҳақда Грузия парламенти спикери Шалва Папуашвили маҳаллий телевидение орқали маълум қилди, деб хабар бермоқда Грузия ОАВлари.
“Президент Зеленский, президент Санду ва Европарламент аъзолари Грузияни Саакашвилини қийноққа солганликда айблаб, ёлғон гапиришди. Шунинг учун биз бу одамлардан кечирим сўрашини кутамиз”, — дея сиёсатчи сўзларини келтиради.
Саакашвили 2021 йил 29 сентябрь куни Украинадан яширинча Грузияга қайтди. Ўша йилнинг 1 октябрида Тбилисида ҳибсга олинган.
