Кеча кечқурун Қозоғистоннинг Олмаота шаҳрида зилзила оқибатида 44 киши жабрланди. Бу ҳақда мамлакат ССВ хабар берди.
Қайд этилишича, шифохонага мурожаат қилганлар енгил ва ўртача оғирликдаги бошнинг кўкариши, шилиниши, оёқ-қўлларининг қайрилиши каби турли кўринишдаги жароҳатлар олишган. Улардан 34 нафари ёши катталар, 3 нафари касалхонага ётқизилган, 31 нафари амбулатор даволанишга юборилган.
Шунингдек, 10 нафар болага тиббий ёрдам кўрсатилган. Улардан 5 нафари касалхонага ётқизилган. 5 нафари амбулатор даволанишга юборилган.
Маълумотга кўра, кўпчилик биноларининг 2 ва 3-қаватларидан сакраши оқибатида жабрланган. Яна бошқалар эса уйдан қочиб чиқиб кетаётган вақтда жароҳат олишган.
Зилзиладан кейин Олмаотада мактаб ва коллежларда биринчи сменали машғулотлар бекор қилинди.
Шаҳарнинг барча мактаблари ва коллежларида тун бўйи аҳолини қабул қилиш пунктлари ишлаганлиги сабабли, 2024 йил 23 январда мактаб ва коллежларда биринчи смена машғулотлари бекор қилинган.
Болалар боғчалари ота-оналарнинг илтимосига биноан мунтазам равишда ишлайди. Кеча тунда Олмаота аҳолиси кучли зилзилани бошдан кечирди. Баъзи ҳудудларда яшовчилар зилзила узоқ вақт, камида 5 дақиқа давом этганини хабар қилишган.
Сезувчанлик тўғрисидаги маълумотлар Олмаотада 5 балли зилзилани қайд этган. Шу билан бирга, фавқулодда вазиятлар вазирлиги хабар беришича, зилзила Остона, Олмаота, ВКО, Жамбил, Жетисуй вилоятларида ҳам сезилган.
