Владимир Ильич Ленин вафот этганига 100 йил тўлиши муносабати билан “Учрашув жойи” ток-шоусида рус шовинист тарихчиси Михаил Смолин "инқилобдан олдин озарбайжон, ўзбек ва қозоқлар ҳеч қачон бўлмаган", деган даъво билан чиқди.
“Қозоғистон қандай пайдо бўлди? Дарҳақиқат, дастлаб РСФСР таркибида Қозоғистон ССР деб аталган, унгача қозоқлар умуман йўқ эди. Миллатларнинг шаклланишига оид қарорлар шу қадар ихтиёрий қабул қилинган. Ўзбеклар, масалан, инқилобгача ҳеч қачон бўлмаган, бундай ном йўқ эди. Марказий Осиёнинг бир қанча халқларидан ўзбекларни олиб, яратдилар”, дейди у.
Тарихчининг бу каби иддаоларига ўзбекистонлик фаоллар ҳам жим қараб турмади.
Ўзбекистон Республикаси экология вазири маслаҳатчиси Расул Кушербаев, рус зиёлиларининг бу каби чиқишлари катта эҳтимол билан Кремль буюртмаси асосида бўлмоқда.
“Кўриниб турибдики, катта эҳтимол билан Кремль буюртмаси асосида рус зиёлилари секин-аста Марказий Осиё мамлакатларини босиб олишга ўз жамиятини руҳан тайёрламоқда”, дейди Кушербоев.
Бундан ташқари Миллий тикланиш демократик партияси раҳбари Алишер Қодиров ҳам расмий рус томони шовинистларни “ғалати” чиқишларини таъкидлашдан нарига ўтмаётганини , бу уларнинг бундай риторикадан манфаатдор деган таассурот уйғотишини айтди
"Сўнгги вақтларда рус тилида шовинистик баёнотлардан бошқа нарса эшитмаяпмиз...
Бу ҳолатда муносабатлар ўз йўлига, амалий чоралар ҳақида ўйлашимиз керак.
Масалан, 3 фоизга ҳам бормайдиган рус ватандошлар учун таълим ва телевиденияда рус тили номутаносиб даражада кўп! Бу номутаносиблик тузатилиши керак.
Биринчидан, Ўзбекистонда бошланғич таълимни она тилида ўқитилиши бўйича норма қонунга киритилиши мумкин.
Иккинчидан, қозоқ, озар, қирғиз, туркман, турк ва тожик қардошлар билан телекўрсатувлар алмашишни йўлга қўяйлик.
Фракциянинг яқин мажлисларида бу масалаларни муҳокама қилмоқчимиз",–деган қодиров.
Ўзбекистон халқ шоири Хуршид Даврон эса буни анчадан буён давом этаётган провокация дебатади.
"Буларнинг бари провокация ва ёлғон. Эскидан бўлиб келган пасткашлик. Ёлғон эса электр қувватини ўтказмайдиган моддадек, инсонлар ва халқлар ўртасидаги алоқаларнинг кучайишига чек қўювчи воситадир. Тарихдаги ҳар бир ижтимоий юксалиш жамиятнинг ўз меросига, ўз ўтмишига бўлган муносабатини ислоҳ қилишдан бошланган. Фақат шундагина ҳақиқий маънода инқилобий ўзгаришлар рўй бериши мумкин", дейди шоир.
Эслатиб ўтамиз, бундан аввал рус сиёсатчиси ва ёзувчиси Захар Прилепин собиқ СССР ҳудудларини Россия Федерацияси таркибига қўшиб, уларнинг аҳолисига рус тилини ўргатиш таклиф қилган эди.
Бу эса, Ўзбекистонда Захар Прилепиннинг мазкур баёноти норозилик билан қабул қилинди. Масалан, Олий Мажлис Қонунчилик палатаси депутати Иномжон Қудратов ушбу вазиятда “Ақлсиз дўст ақлли душмандан ёмонроқдир”, нақлини эслатган.
Олий Мажлис депутати Бобур Бекмуродов рус сиёсатчиларининг бундай қарашлари шубҳасизки, Ўзбекистонликлар орасида Россия Федерациясига салбий муносабатни кучайтиришини айтган.
Шундан сўнг, жорий йилнинг 21 декабрь куни Ташқи ишлар вазирлигига Россия Федерациясининг Ўзбекистон Республикасидаги Фавқулодда ва Мухтор Элчиси О.Малгинов таклиф этилган.
Сенат раиси Танзила Норбоева эса Ўзбекистон ҳеч қачон ҳеч кимга мустамлака бўлмаслигини айтди.
