Сингапур озиқ-овқат агентлиги (SFA) 16 хил ҳашаротни овқат сифатида истеъмол қилишга рухсат берди. Бу ҳақда CNN хабар берди.
Овқат сифатида истеъмол қилишга рухсат берилганлари орасида чигиртка, ун митаси, асалари, ипак қурти, куя ва бир неча хил қўнғиз турлари бор.
"SFA мувофиқлаштирувчи органлар томонидан тақиқланмаган ҳашаротлар ва улардан ишлаб чиқарилган маҳсулотлар импортига рухсат берди. Бу ҳашаротлар одамлар ёки озиқ-овқат ишлаб чиқариладиган ҳайвонлар томонидан ейилиши мумкин", — дейилади агентлик тақдим этган ҳужжатда.
Ҳашаротларнинг "ёввойи табиатдан йиғиб олиниши"га рухсат берилмаган. Ҳашаротлар ваколатли орган томонидан тартибга солинадиган биноларда етиштирилади.
Дунёнинг кўп қисми учун Сингапурда ҳашаротларни истеъмол қилиш янгилик бўлиб қолмоқда. Тадқиқотчилар ҳашаротларнинг 2100 дан ортиғи витаминлар ва минералларга бой, юқори протеиннинг барқарор манбаи бўлиб хизмат қилишини аниқлаган.
