Исландиядаги Рейкьянес ярим оролида 22 август куни яна бир вулқон отилди. Бу 2023 йилнинг декабрь ойидан бери кузатилган олтинчи вулқондир.
Хабарларга кўра, вулқон яқин масофадаги Гриндавик шаҳрига қараб йўналмаган. Ушбу табиат ҳодисасидан бир кун олдин 4 магнитудалик зилзила содир бўлган ва ҳукумат фавқулодда ҳолат эълон қилган ҳамда аҳоли яқин атрофдаги ҳудудлардан, курорт зоналардан эвакуация қилинган.
Олимларга кўра, Исландияда вулқон 800 йиллик "жим"ликдан сўнг яна фаоллашган. Бу эса вулқон фаоллигининг бошланиши бўлиши мумкин.
