Украина президенти Владимир Зеленский Россия етакчиси Владимир Путин билан Туркияда учрашишга тайёр эканини маълум қилди. Бу ҳақда у CNN Türk телеканалига берган интервьюсида тегишли саволга жавоб берар экан, айтди.
"Ҳа, биз тайёрмиз. Туркияда бу учрашувни ўтказишга тайёрмиз", — деди Зеленский.
Украина президентининг таъкидлашича, Туркия президенти Ражаб Тоййиб Эрдўғоннинг Владимир Путин билан алоқа канали мавжуд. Шу сабабли Киев учрашувни Туркияда ташкил этиш ташаббусини қўллаб-қувватлайди.
Зеленский Украина ва Туркия ўртасида яқин ва ижобий муносабатлар шаклланганини қайд этди. Унинг фикрича, Туркия музокараларда амалий ва реал воситачи сифатида иштирок этиши мумкин.
