Евгений Пригожин Ғарб банклари орқали яширинча пул ўтказган

Бу ҳақида Financial Times нашри маълум қилди.

Вашингтондаги Илғор мудофаа тадқиқотлари маркази томонидан олинган махфий ҳужжатларнинг сизиб чиқишидан маълум бўлишича, Пригожин Африкадаги бизнеси доирасида тўловлар учун Американинг JPMorgan Chase банки ва Буюк Британиянинг HSBC банкидан фойдаланган, дея хабар бермоқда zamon.uz.

Евгений Пригожин 2016 йилдан, “Вагнер ЧВК” тузилмаси эса 2017 йилдан бери АҚШ санкциялари остида. Financial Times нашрига кўра, банклар тўловларнинг келиб чиқиши ҳақида билишганлиги ҳақида ҳеч қандай далил йўқ.

Эслатиб ўтамиз, Пригожин тузилмалари Африканинг бир нечта давлатида фаолият юритган.

Бошқа янгиликлар

Дунё 19.12.2024 22:34

Исроил Яманга зарбалар берди

Мактаб биноси ва бир нечта машинага зарар етган. Исроил ҳарбий-ҳаво кучлари зарбалари Тел-Авив яқинида ҳусийларнинг навбатдаги ракетаси уриб туширилганидан кейин амалга оширилган. ЦАХАЛ вакили нишонлар орасида Қизил денгиз портлари ва Яман пойтахти Санадаги энергетика инфратузилмаси борлигини маълум қилди. Ҳусийлар назорати остидаги Аl Masirah телеканали Салиф портида етти киши ва Ҳодейда вилоятидаги Рас Иса шаҳрида жойлашган нефт иншоотида икки киши ҳалок бўлгани хабар берди. Зарбалардан икки соат олдин Исроил ҳаво ҳужумидан мудофаа тизими Ямандан мамлакатнинг марказий қисми томон отилган ракетани тутиб олгани хабар берилган эди. Маълумотларга кўра, ракета ҳужуми натижасида Тел-Авив чеккасида жойлашган Рамат Гандаги мактаб биноси ва бир нечта машинага зарар етган. Бу Исроилнинг ҳусийлар позицияларига биринчи зарбаси эмас. Сентябр ойи бошида ЦАХАЛ кучлари ҳусийларга қарши кенг кўламли операция ўтказиб, ҳаракатнинг Ҳодейдадаги позицияларига кучли зарбалар берган эди. Zamon