Ижтимоий тармоқларда 34 ёш атрофидаги аёл божхона текширувини кутаётган вақтида вафот этгани ҳақида хабарлар тарқалганди.
"UZBEKISTAN AIRPORTS" ва Бош прокуратура берган расмий маълумотларда, хабарлар мутлақо ҳақиқатга тўғри келмаслиги, аёл ўлмагани, у ҳозирда шифохонага ётқизилгани қайд этилган.
Аёлнинг оила аъзолари ижтимоий тармоқлар орқали чиқиш қилиб, юқоридаги гапларнинг аксини айтганди.
Олинган сўнгги маълумотларга кўра, Тошкент шаҳрининг Чилонзор туманида яшаган 1986 йилда туғилган аёл Дубай-Тошкент авиарейсида учиб келиб, соғлиги ёмонлашганлиги сабабли, Чилонзор туманида жойлашган РШТЁИМга олиб келинган.
Тиббий реанимацион муолажаларга қарамасдан, аёлда биологик ўлим ҳолати қайд этилган.
Марҳуманинг ўлими сабабини аниқлаш мақсадида судга оид тиббий экспертиза тайинланган.
Ҳозирда прокуратура томонидан терговга қадар текширув ҳаракатлари олиб борилмоқда.