Россия Федерациясининг маданият ва санъат соҳалари вакилларини мукофотлаш тўғрисида Президент фармони:
Ўзбекистон Республикаси ва Россия Федерацияси ўртасидаги кенг қамровли стратегик шериклик, иттифоқчилик муносабатларини ривожлантириш, халқларимизнинг анъанавий дўстлик ва ҳамжиҳатлик алоқаларини мустаҳкамлаш борасидаги катта хизматлари, ўзининг ёрқин ва бетакрор истеъдоди, хусусан, кино ва театр йўналишидаги сермаҳсул ижодий фаолияти билан маданият ва санъат соҳаларида ҳамкорликни кенгайтириш, маънавий қадриятларимизни асраб-авайлаш ва бойитишга қўшаётган муносиб ҳиссаси учун қуйидагилар Ўзбекистон Республикасининг "Дўстлик" ордени билан мукофотлансин:
Безруков Сергей Витальевич - Россия Федерациясининг халқ артисти, Москва драма театри бадиий раҳбари, театр ва кино актёри;
Лиепа Андрис Марисович - Россия Федерациясининг халқ артисти, балет артисти, режиссёр.
Шунингдек, Владимир Путин Фарруҳ Зокиров ва Севара Назархонни тақдирлади. Санъаткорлар икки давлат маданиятини яқинлаштириш ва ўзаро бойитиш йўлидаги саъй-ҳаракатлари учун “Дўстлик” ордени билан тақдирланди.
Закиров Фаррух Каримович ва Назарханова Севара Анваржоновна “Дўстлик” ордени билан тақдирландилар. Тегишли фармонни Россия президенти Владимир Путин имзолади.
