Олий Мажлис Қонунчилик палатаси мажлисида чиқиндиларни тўплаш ва олиб чиқиш хизматларини кўрсатиш соҳасида тўлов интизомини мустаҳкамга қаратилган қонун лойиҳаси биринчи ўқишда кўриб чиқилди. Бу ҳақда парламент матбуот хизмати хабар қилмоқда.
Қонун лойиҳаси билан айрим қонун ҳужжатларига чиқинди хизматлари учун ойлик тўловлардан қарздорлиги бўлган истеъмолчиларни қисқа хабар (СМС) орқали хабардор қилиб бориш, қарздорлик вужудга келганлиги тўғрисида огоҳлантирилгандан кейин тўловлар амалга оширилмаган тақдирда истеъмолчилар чиқинди хизматлари бўйича қарздорликни бартараф этмаганига қадар уларнинг электр энергияси учун тўловларини қабул қилишни вақтинчалик чеклашга қаратилган ҳуқуқий нормалар белгиланишини назарда тутувчи ўзгартириш ва қўшимчалар киритиш таклиф этилмоқда.
Мажлисда депутатлар қонун лойиҳасини истеъмолчилар ҳуқуқларига риоя этиш кафолатларини тўла мустаҳкамлаган ҳолда иккинчи ўқишда тубдан қайта ишлаш шарти билан биринчи ўқишда қабул қилди.
