Москвада турар-жой биносининг портлаши натижасида “ДХР бокс федерацияси” раҳбари вафот этди. Армен Саркисян “Донецк Халқ Республикаси бокс федерацияси” деб аталувчи ташкилот раҳбари ҳамда Украина урушида Россия томонида урушаётган “АрБат” (“Арман батальони”) қуролли бўлинмаси асосчиси бўлган.
ОАВ маълумотларига кўра, у ушбу ҳудудда таъсирга эга бўлган бизнесмен бўлиб, криминал фаолият билан шуғулланган ва Украинадан Россияга қочиб кетган собиқ президент Виктор Янукович тарафдори ҳисобланган.
Саркисян Украинада қидирувга берилган бўлиб, у “Евромайдон воқеалари” пайтида қотилликларни ташкил этишда айбланган.
