Зеленский Украинанинг “келажакдаги минерал захиралари”нинг ярмини AҚШга қазиб олиш ҳуқуқини берувчи келишувни имзолаш таклифини “хушмуомалалик билан билан рад этди”.
Украина президенти Владимир Зеленский Мюнхенда америкалик қонунчилар тақдим етган Украинанинг “келажакдаги фойдали қазилма захираларининг” ярмини AҚШнинг кончилик манфаатларига ваъда қиладиган келишувни имзолашдан бош тортгани хабар қилинди. Жума куни Washington Post журналисти Жош Рогин X ижтимоий тармоғида қуйидаги постни қолдирди:
“Мюнхендаги кўплаб қонунчилар менга AҚШ Конгресси делегацияси Зеленскийга Украинанинг келажакдаги минерал захираларининг 50 фоизига AҚШ ҳуқуқини берувчи имзо қўйишини истаган қоғозни тақдим этидганини айтишди. Зеленский мулойимлик билан уни имзолашдан бош тортган”.
Украина делегациясининг икки аъзоси Reuters агентлигига "баъзи тафсилотлар" ҳали ишлаб чиқилиши кераклигини айтди. Aхборот агентлигининг таъкидлашича, Киев Европа ва Қўшма Штатлардан хавфсизлик кафолатларини оширишга интилмоқда.
Ўтган ҳафта президент Зеленский Reuters агентлигига нодир ер минераллари, титан, уран ва литийни ўзлаштириш бўйича “ўзаро манфаатли ҳамкорлик” таклиф қилишини айтди ва унинг маъмурияти уларни шунчаки “бериб қўймаслигини” таъкидлади.
Абдуллоҳ Саййид
