Ўзбекистон Бош консулхонаси дипломатлари кўмагида шу йилнинг 22 февраль куни Санкт-Петербург шаҳрида молиявий қийин аҳволда қолган ватандошимиз оиласи бағрига қайтарилди.
“Дунё“ ААнинг хабар беришича, юртдошимиз 2024 йил июль ойида Россияга вақтинча ишлаш мақсадида борган.
Маълумотларга кўра, у Россия ҳудудида қонуний бўлиш учун зарур бўлган патентини ва шахсини тасдиқловчи ҳужжатини йўқотиб қўйган. Шу боис аниқ ишга жойлаша олмаган. Шунингдек охирги вақтларда ҳамюртимиз квартирага тўлов учун пул йўқлиги сабабли кўча қолган.
Бош консулхона дипломатлари ватандошимизнинг яшаш жойини аниқлаб, унга Ўзбекистонга етиб олиши учун зарур ҳужжатларни расмийлаштиришда ёрдам берди.
