Бунга сабаб ўрнида уйи ёнидан 1 соатдан буён кетмаётганлигини таъкидлаган. Машинасида ўтирган актрисадан ҳол-аҳвол сўраб, сўнгра қучоқлаб олган шоввознинг кимлиги ҳақида билганлар ёзиб юборишини илтимос қилган.
Ички ишлар ходимларининг лоқайдларча йўриқ тутганини ҳам яширмаган.
“Бугун-ку уйимнинг ёнида қайтишимни пойлаб турган экан, эрта-индин эшигимни тақиллатиб келиб, бирон нима қилиб кетса ҳам 2 соатда етиб келасизларми”, деган ҳайратомуз оҳангда. Ходимлар бўлса, чиройли муомала қилишини, мурожаатини ҳозиргина қабул қилиб олишганини эслатган.
“Икки соат турди. Ахийри, кетди. Орадан 15 дақиқа ўтиб, милиция ходимлари етиб келишди. Ундан кўра, ўзим ҳал қилганим яхши эди”, деган актриса видеомурожаатида.
“Болани танийсизми, деяётганлар. Йўқ, танимайман. “Самарқанд дарвоза” томондаги гўзаллик салонидан чиқаётганимда ҳам машинамнинг эшиги ёнига келиб, туриб олган. Бир-биримизга яхши муомала қилгандик. Шунда рақамимни сўраганди. Бермаслигимни, машина эшигини ёпишини айтганман”.
Инстаграм саҳифасига жойлаштириган кейинги ҳикояларида Ички ишлар бўлимидан қўнғироқ бўлганини, албатта, йигитнинг тез орада топилишини, чора кўрилишини маълум қилишганини айтган. Уларга ўз миннатдорчилигини билдирган.
Кейинроқ, Зарина ЙЎЛДОШЕВАга нисбатан қўпол муносабатда бўлган йигит ИИБда расман узр сўради. Жараёндан ёзиб олинган тасвирлар интернетда тарқалди. Ўзини Шоҳрух Низом ўғли дея таништирган фуқаро содир этган хатти-ҳаракатидан пушаймон эканини маълум қилган. Унга қандай турдаги жазо чораси қўлланилгани ҳақида маълумотлар мавжуд эмас.
