Украина президенти Владимир Зеленскийнинг рейтинглари яна ўсишни бошлади. Киев Халқаро Ижтимоий Тадқиқотлар Институти (KIIS) томонидан 2025 йил февраль ойида ўтказилган сўров натижаларига кўра, аҳолининг катта қисми унга ишонишда давом этмоқда.
Жумладан, 2025 йил февраль ойининг биринчи ярми ҳолатига кўра, Украина ва AҚШ ўртасидаги муносабатлар кескинлашгунга қадар, украиналикларнинг 57 фоизи президентга ишонч билдирган, 37 фоизи Зеленскийга ишонмаслигини билдирган.
Кейинчалик 2025 йилнинг 14 февралидан 4 мартига қадар Зеленскийга ишонч даражаси 68 фоизгача ошган, ишонмайдиганлар улуши эса 29 фоизгача камайган. Шунга кўра, ишонч-ишончсизлик баланси +38% гача яхшиланган.
Бунга бир қатор омиллар сабаб бўлгани айтилмоқда. Аввало, Зеленскийнинг Оқ Уйда Трамп билан тенг руҳиятда суҳбатлашгани ва Украина манфаатларига зид келувчи шартномага имзо чекишни истамагани нафақат аҳоли, балки президентга мухолиф сиёсий кучларнинг ҳурматига сазовр бўлган.
Қолаверса, ҳарбий муваффақиятлар ва мудофаа салоҳиятини мустаҳкамлаш, Украина армиясининг ҳимоя қобилиятини кучайтириш ва Ғарб билан ҳарбий ҳамкорликни кенгайтириш Зеленскийнинг обрўсини оширувчи муҳим омиллардан бири бўлди. Жамоатчилик орасида фронтдаги муваффақиятлар ва қўшимча қурол-яроғ ёрдамлари мамлакат раҳбариятига ишончни оширмоқда.
Шунингдек, ички сиёсатдаги барқарорлик Украинада сиёсий мухолифат ва ички ихтилофларга қарамай, Зеленский ҳукуматининг мавқеи барқарор қолмоқда. Коррупцияга қарши кураш, маъмурий ислоҳотлар ва иқтисодий ислоҳотлар бўйича чоралар унинг қўллаб-қувватланишини таъминлашда муҳим аҳамият касб этмоқда.
Абдулллоҳ Саййид
