Россия қурол-яроғ экспорти бўйича етакчи учта давлат қаторига кирди.
Стокгольм тинчлик муаммоларини ўрганиш институти (Stockholm International Peace Research Institute - SIPRI) эълон қилган маълумотга кўра, Россия қурол-яроғ экспорти бўйича етакчи учта давлат қаторига кирди.
Сўнгги беш йил ичида энг йирик ўнта қурол экспорт қилувчи давлат ўзгармаган, аммо Россия экспорти камайиши сабабли Франциядан кейин учинчи ўринга тушиб қолган.
Россиядан экспорт қилинган қурол-яроғнинг учдан икки қисми Ҳиндистон, Хитой ва Қозоғистонга юборилган.
Шунингдек, Украина энг йирик қурол импортчисига айланган, мамлакатга етказиб берилган қурол миқдори тахминан 100 баробар ошган. АҚШ эса қурол экспорти бўйича етакчилигини сақлаб қолган ҳолда, сўнгги беш йил ичида жаҳон экспортидаги улушини 35 фоиздан 43 фоизга оширган.
Хитой эса 2020–24 йилларда қурол-яроғ экспорти бўйича тўртинчи ўринни эгаллади ва жаҳон қурол экспортининг 5,9 фоизини ташкил этди. Хитойнинг қурол экспортини кўпайтиришга уринишларига қарамай, кўплаб йирик импортчилар Хитой қуролларини сиёсий сабабларга кўра сотиб олмайдилар.
Умумий рўйхатга кўра, йирик қурол экспортчи давлатлари рўйхатида рейтинг ўрнига мос равишда АҚШ, Франция, Россия, Хитой, Германия, Италия, Буюк Британия, Исроил, Испания ва Жанубий Корея етакчилик қилмоқда.
Абдуллоҳ Саййид
