Шимолий Македониядаги тунги клубда содир бўлган ёнғин қурбонлари хотирасига мамлакатда умуммиллий мотам эълон қилинди.
Мамлакатда тунги клубда содир бўлган ёнғин оқибатида сўнгги маълумотларга кўра, ҳодиса оқибатида 59 киши ҳалок бўлган, 155 киши жароҳат олган.
Шимолий Македония ички ишлар вазирининг маълум қилишича, ёнғин 16 мартга ўтар кечаси мамлакат шимолий-шарқидаги Кочани шаҳрида концерт пайтида юз берган. Гувоҳларнинг сўзларига кўра, одамлардан бири пиротехника воситаларидан фойдаланганидан кейин клуб томида ёнғин бошланган.
Фожиани тергов қилиш доирасида 10 киши, жумладан, клубга лицензия берган амалдорлар ҳибсга олинган.
