Жиззах шаҳрида юк машинаси ва йўловчи микроавтобуси тўқнашди. Бу ҳақда вилоят ЙҲХБ матбуот хизмати хабар бермоқда.
Маълум бўлишича, ҳодиса 18 март куни Нурлиобод маҳалласидан ўтган А376 халқаро автомобиль йўлида содир бўлган.
Ҳаракатланиб келаётган юк автомашинаси бир йўналишда келиб, чапга бурилмоқчи бўлган Lacetti ва қарама-қарши томонда келаётган йўловчи микроавтобус билан тўқнашган.
Натижада, 1 нафар фуқаро воқеа жойида вафот этган, 15 нафар фуқаро Республика шошилинч тиббий ёрдам илмий маркази Жиззах филиалига олиб борилган.
Кўрсатитлган ёрдамларга қарамасдан яна 2 нафар фуқаро шифохонада вафот этган.
