Тошкент шаҳридан Янги Тошкентга қатнайдиган автобус йўналиши очилди, яна иккита йўналиш ҳаракати тизмаси ўзгартирилди. Бу ҳақда "Тошшаҳартрансхизмат" хабар қилди.
Янги ташкил этилган 197-сонли автобус йўналиши Ўзбекистон меҳмонхонаси бекати — Янги Тошкент бекати йўналишида ҳаракатланади. Ушбу йўналиш "Маҳтумқули ва Янги Ўзбекистон" йўли кўчалари орқали ҳаракатланади.
190-сонли автобус — "Янгибозор АШБ — Машинасозлар метроси" йўналиши Янги Ўзбекистон кўчаси орқали Янги Тошкент бекатигача бир томонлама ҳаракат қилади. Кейин ўзининг аввалги йўналиши бўйлаб ҳаракатни давом эттиради.
137-сонли автобус йўналиши эса эндиликда Истиқбол маҳалласи бекатидан Паркент йўли кўчаси орқали Янги Тошкент бекатигача икки томонлама ҳаракат қилади. Йўналиш "Янги Тошкент бекати — Қўшқўрғон маҳалласи" деб қайта номланади.
Ўзгаришлар 28 мартдан амалда бўлади.
