Кеча, 31 март куни Президент Шавкат Мирзиёевнинг Тожикистонга бўлган сафари якунлади. Бу ҳақда давлат раҳбарининг матбуот хизмати маълум қилди.
Қайд этилишича, олий даражадаги тадбирларга бой дастур доирасида Хўжанд шаҳрида Президент Шавкат Мирзиёев Президент Эмомали Раҳмон билан музокара ўтказган. Ўзбекистон, Тожикистон ва Қирғизистон раҳбарларининг қўшма учрашувида иштирок этган.
Шунингдек, Хўжандда дўстлик стеласининг очилиш маросими ва уч мамлакат давлат чегараларининг туташ нуқтаси тўғрисидаги тарихий шартноманинг имзоланиши бўлиб ўтган.
“Етакчилар тарихий-маданий мажмуа - Хўжанд қалъасига ташриф буюриб, санъат усталарининг қўшма консерт дастурини томоша қилдилар”,—дейилади хабарда.
Шу билан Ўзбекистон етакчисинг Тожикистонга бўлган сафари ўз ниҳоясия етган. Аеропортда Ўзбекистон Республикаси Президенти Шавкат Мирзиёевни Тожикистон Республикаси Президенти Эмомали Раҳмон кузатиб қўйган.
