2025 йилнинг 19 март кун АҚШнинг Иллинойс штатида самолёт қулаб тушди. Бу ҳақда “The New York Times” маълум қилди.
Қайд этилишича, самолёт очиқ майдонга қулаб тушган. Бортдагиларнинг барчаси, яъни тўрт киши воқеа жойида ҳалок бўлган. Самолёт, бир двигателли Cessna 180 ҳисобланади, барча йўловчилар Висконсин штати Меномони шаҳридан бўлган.
АҚШ Транспорт хавфсизлиги миллий кенгашининг дастлабки маълумотларига кўра, самолёт қулаш пайтида электр узатиш линияларига тегиб кетган.
Ҳодиса сабаблари бўйича тергов олиб борилмоқда. Cessna 180 кўпинча Skywagon номи билан танилган. Бу самолёт асосан 4 ёки 5 кишини ташишга мўлжалланган ва йўловчи ташиш, юк ташиш, шунингдек, ҳаводан кузатув ва парвоз машғулотларида кенг қўлланилган.
