Путин ҳақидаги янги фильм яқин вақт ичида Россияда намойиш этилади.
Россияда Президент Владимир Путин ҳақида суратга олинган янги ҳужжатли фильм яқин кунларда катта экранларга чиқади. Бу ҳақда Кремль матбуот котиби Дмитрий Песков "Знание (Билим)" жамиятининг маърифий марафонида маълум қилди.
"Яқин орада “Россия” телеканалида Путин ҳақида фильм намойиш этилади. У 25 йилдан буён мамлакатимизга раҳбарлик қилиб келаётгани ҳақида. Бу фильмни албатта кўринглар — уни жуда иқтидорли инсонлар ишлаган", — деган Песков.
Песков фильм мазмуни, режиссёри ёки намойиш санаси ҳақида аниқ маълумот бермаган, аммо бу лойиҳа Россия жамоатчилиги учун катта аҳамиятга эга эканини таъкидлаган.
Путин ҳақидаги фильм, эҳтимол, унинг сиёсий фаолияти, шахсий ҳаёти ва Россия тарихидаги ролига бағишланган бўлади. Бу каби кинолар одатда мамлакат ичидаги сиёсий муҳит ва раҳбарликка бўлган муносабатни шакллантиришда муҳим ўрин тутади.
Тахминларга кўра, фильм Россия давлат телеканаллари ёки катта кинотеатрларда намойиш этилиши мумкин.
Янги фильм қандай қабул қилиниши ва унда қандай ғоялар илгари сурилиши ҳозирча маълум эмас. Аммо Кремлнинг ушбу ташаббуси Россиядаги сиёсий медиа майдонида муҳим воқеа бўлиши шубҳасиз.
Абдуллоҳ Саййид
