Бугун, 10 июнь куни Ўзбекистон миллий терма жамоаси Тошкентда Жаҳон чемпионатига саралаш босқичининг сўнгги ўйинида Қатар миллий терма жамоасига қарши баҳс олиб боради. Ушбу учрашувда майдонга тушадиган Ўзбекистон МТЖнинг асосий таркиби эълон қилинди.
Дарвозабон: Ўткир Юсупов. Ҳимоячилар: Абдуқодир Ҳусанов, Ҳожиакбар Алижонов, Шерзод Насруллаев, Ҳусниддин Алиқулов. Ярим ҳимоячилар: Акмал Мозговой, Одилжон Ҳамробеков, Азизбек Турғунбоев, Аббосбек Файзуллаев. Ҳужумчилар: Жалолиддин Машарипов, Элдор Шомуродов.
Маълумот учун, ўйин Тошкент вақти билан 18:45 да “Бунёдкор” стадионида бошланади. Ўйиндан кейин миллий терма жамоа аъзолари тақдирланади.
