Қўшма Штатлар етакчиси Доналд Трамп кузда Америка компаниялари раҳбарлари билан Хитойга ташриф буюриши мумкин. Бу ҳақда манбаларга таяниб, “Блоомберг” ёзмоқда
Нашрда келтирилишича, Америка маъмурияти вакиллари Оқ уй раҳбарига 2025 йилда Хитойга бўлиши мумкин бўлган сафарда ҳамроҳлик қилишдан манфаатдорми ёки йўқлигини билиш учун айрим компаниялар раҳбарлари билан боғланган.
Таклиф этилаётган саналардан бири октябрь ойининг охири бўлиб, Корея Республикасида Осиё-Тинч океани иқтисодий ҳамкорлиги саммити ва Малайзияда Жануби-Шарқий Осиё давлатлари ассоциацияси саммити бўлиб ўтади. Америка Президенти одатда бу иккала тадбирда ҳам қатнашади.
Агентлик эслатишича, Трамп ўзининг биринчи хорижий сафарини – Форс кўрфази мамлакатларига – молия, технология ва ишлаб чиқариш оламининг юқори мартабали раҳбарлари билан бирга қилган.
Президент энергия, сунъий интеллект, чиплар, аэрокосмик ва бошқа соҳаларни қамраб олган янги миллиард долларлик келишувларни эълон қилди, бу эса Қўшма Штатларнинг корпоратив кучини намойиш этди.
Маъмурият матбуот котиби Керолайн Ливиттдан изоҳ сўралганда, у Хитойга ташриф ҳозирча режалаштирилмаганини айтган. Савдо департаменти эса изоҳ беришдан бош тортган.
