OpenAI сунъий интеллект компанияси ChatGPTнинг 5-моделини фойдаланувчиларга тақдим этиш арафасида. Бу ҳақда Reuters агентлиги хабар берди.
Маълум қилинишича, янги модель икки нафар фойдаланувчи билан синовдан ўтказилган. GPT-5 GPT-4 дан кескин фарқ қилмаган. Модель олдингиларидан фарқли тарзда, фан, код ёзсиҳ ҳамда математик масалаларни ечишда яхшироқ экани айтилган.
Ҳозирда 300 миллиард долларга баҳоланаётган ва Microsoft томонидан жиддий қўллаб-қувватланаётган OpenAI масштаб борасида муаммоларга учрамоқда. Яъни OpenAI маълумотларнинг чекланишига дуч келган.
OpenAI GPT-5 моделининг қачон чиқарилишини аниқ эълон қилмаган. Бироқ бу исталган куни содир бўлиши мумкин.
Маълумот учун, OpenAI 2022 йилда дунёни ChatGPT сунъий интеллекти билан таништирди. Бу модель инсондек матн ва шеър ёзиш қобилияти билан фойдаланувчиларни ҳайратга солди ва тарихдаги энг тез ўсаётган иловалардан бирига айланди.
