Жорий йилнинг сентябрь ойида чиқадиган iPhone 17 Pro ва 17 Pro Махънинг бошланғич нархи 50 долларга ошиши мумкин. Бу ҳақда “Маcwорлд” нашри хабар берди.
Билдирилишича, нархнинг ошиши ишлаб чиқариш харажатлари ва АҚШ Президенти Доналд Трамп жорий қилган бож тарифларини қоплаш зарурати билан боғлиқ.
Уолл-стрит таҳлилчиларининг ҳисоб-китобига кўра, iPhone 17 нархи iPhone 16ънинг шунга ўхшаш моделлари билан таққослаганда 50-100 доллар қимматроқ бўлиши мумкин. Бу ҳозирча тахмин, бироқ ҳатто нархнинг озгина ошиши ҳам талабга таъсир қилиши мумкин.
Ушбу иқтисодий омиллар фонида Apple сунъий интеллект (СИ) соҳасидаги ташаббусларини ҳам фаол ривожлантирмоқда. Тим Кук яқинда таҳлилчилар билан суҳбатда компания “кўпроқ шахсийлаштирилган Siri” ишлаб чиқишда яхши натижага эришганини таъкидлаган. Дастурий таъминот ишлаб чиқиш бўйича катта висе-президент Крейг Федериги эса ички йиғилишда Apple Сириъда дастлаб режалаштирилгандан ҳам “анча катта янгиланиш”ни тақдим этишга тайёр эканини билдирган.
