Россиянинг Новосибирск шаҳрида оғир ҳаётий вазиятга тушиб қолган 8 нафар ҳамюртимиз Ўзбекистонга қайтарилди.
Мазкур инсонпарварлик кўмаги юртимизда 30 июлдан 30 августгача эълон қилинган "Ватанга қайтариш" тадбири доирасида Ўзбекистоннинг Новосибирск шаҳридаги Бош консулхонаси ва Миграция агентлиги ваколатхонаси томонидан амалга оширилди.
Бош консулхона ва Миграция агентлиги ваколатхонаси кўмагида юртдошларимиз учун авиачипталар харид қилинди.
Улар жорий йилнинг 20 август куни "Uzbekistan Airways" авиакомпаниясининг "Новосибирск-Тошкент" рейси билан Ўзбекистонга кузатиб қўйилди.
