Қирғизистон ва Ўзбекистон чегарасида юз берган қуролли тўқнашув оқибатида икки қирғиз фуқароси ҳалок бўлгани айтилмоқда.
Маълумотларга кўра, ҳодиса 15 август куни чегарада қонунга бўйсунмаслик ҳолати кузатилган ва Ўзбекистон чегарачилари қурол қўллаган.
Қирғизистон Миллий хавфсизлик давлат қўмитаси чегара хизмати хабарига қараганда, 25 август куни Чотқол тумани Айғир-Жал қишлоғидан икки киши йўқолгани қайд этилган.
Кейинчалик уларнинг жасадлари топилиб, экспертиза учун Қирғизистонга қайтарилгани маълум қилинди. Уларга тегишли учта от ва бир чодир ҳам қайтариб берилган.
Айни пайтгача ушбу воқеа бўйича икки мамлакат расмий идоралари томонидан расмий баёнот берилмаган.
