Одам савдоси ва мажбурий меҳнатга қарши курашиш бўйича Миллий комиссия томонидан 2025 йилги пахта терими мавсумида ўтказилган мониторингда 300 дан ортиқ теримчи билан қонуний шартномалар тузилгани ва меҳнат шароитлари яратилгани маълум қилинди.
Бироқ, текширув чоғида 11 та ҳолатда меҳнат қонунчилиги бузилгани, 3 та ҳолатда эса мажбурий меҳнатга йўл қўйилгани аниқланган. Мазкур ҳолатлар бўйича масъулларга МЖтКнинг 49 ва 51-моддалари асосида чоралар кўрилган.
Миллий комиссия мажбурий меҳнат ҳар қандай соҳада мутлақо тақиқланганини эслатиб, барча иш берувчиларни ходимлар ҳуқуқларига риоя қилишга чақирди.
