АҚШ Ички хавфсизлик департаменти “энг ёмонларнинг энг ёмони” дея баҳоланган хорижлик жиноятчилар рўйхатини очиқлади. Унда уч нафар Қозоғистон фуқароси қайд этилган.
АҚШ Ички хавфсизлик департаменти (ДҲС) ва Иммиграция ҳамда божхона полицияси (ИCЕ) томонидан тузилган рўйхатда мамлакат ҳудудида қўлга олинган энг хавфли хорижлик жиноятчилар келтирилган. Расмий баёнотда айтилишича, ушбу чоралар Президент Доналд Трамп топшириғига мувофиқ, жиноий фаолиятга алоқадор бўлган шахсларни аниқлаш ва депортация қилишга қаратилган.
Рўйхатга киритилган уч нафар Қозоғистон фуқаросидан бири Алабама штатида ҳужум ва ўғирланган мулкни эгаллашда айбланган. Яна бири Флорида штатида ўғрилик, учинчиси эса Орегон штатида қурол ишлатган ҳолда ҳужум қилганлик учун ҳибсга олинган.
Аввалроқ АҚШ президенти Доналд Трамп айрим давлатлар, жумладан Сурия фуқаролари учун мамлакатга киришни чекловчи қарор имзолагани хабар қилинганди. Мазкур чекловлар 2026 йил 1 январдан кучга кириши ва 20 та мамлакат ҳамда ҳудудни қамраб олиши режалаштирилган.
