Жиноят ишлари бўйича Миробод туман судида 21 ёшли Ш.М.га нисбатан Ўзбекистоннинг давлат рамзлари тўғрисидаги қонун ҳужжатларини бузиш билан боғлиқ маъмурий иш кўриб чиқилди.
Иш материалларига кўра, ўтган йилнинг 28 октябрь куни Ш.М. Филиппин пойтахти Манила шаҳрида бўлиб ўтган "Miss Earth 2025" халқаро танловида иштирок этган. Тадбир давомида у давлат байроғи ва республика герби тасвири билан бирга саҳнага чиққан. Кейинчалик иштирокчи ушбу образда суратга тушган ва суратларни Instagram'даги саҳифасига жойлаштирган.
Суд мажлисида қиз костюмни яратишда давлат рамзларидан илҳомланганини, бироқ кийимда байроқнинг мажбурий элементлари - ярим ой ва ўн икки юлдуз йўқлигини, фақат ранглар гаммасидан фойдаланилганини айтган.
Даъвогар давлат рамзларидан кийим элементи сифатида фойдаланиш, бадиий ғоя ва тақдим этиш шаклидан қатъи назар, қонунчилик талабларига зид эканлигини таъкидлади. Шунингдек, суд қарорида давлат байроғидан кийим сифатида фойдаланиш қонунда тўғридан-тўғри тақиқлангани қайд этилган.
Суд Ш.М.ни МЖтКнинг 203-1-моддаси 1-қисми (давлат рамзлари тўғрисидаги қонунчиликни бузиш) билан айбдор деб топди ва унга БҲМнинг 2 баравари (824 минг сўм) миқдорида жарима солди.
