Бухоро вилоятида Тelegram’да сохта профиль орқали дугонасининг шахсий фото ва видеоларини қўлга киритиб, уларни тарқатмаслик эвазига 6 минг доллар талаб қилган аёл қўлга олинди. Бу ҳақда вилоят ИИБ маълум қилди.
Маълумотларга кўра, 19 январь куни гумонланувчи Телеграмъда ўзини “Феруз” деб таништириб, жабрланувчи билан танишган ва ошиқ ролида ишонч қозонган. Шундан сўнг аёл ўзининг шахсий фото ва видеоларини юборган. Орадан кўп ўтмай, гумонланувчи уларни оила аъзоларига тарқатиш билан таҳдид қилиб, 6 минг АҚШ доллари талаб қилган.
Ҳолат юзасидан ўтказилган тезкор тадбирда жабрланувчидан 2 миллион сўм пластик картага ўтказилган пайтда гумонланувчи ашёвий далиллар билан қўлга олинган. Ҳозирда унга нисбатан Жиноят кодексининг 165-моддаси 1-қисми билан жиноят иши қўзғатилиб, тергов ҳаракатлари олиб борилмоқда.
