“Australian Open” мусобақасида иштирок этган Полина Кудерметова рейтингда 11 поғона юқорилаб, 139-ўринни эгаллади ва мамлакатнинг иккинчи ракеткаси мақомини қўлга киритди.
Ушбу ўрин аввал Мария Тимофеевага тегишли бўлиб, теннисчи 17 поғона пастлаб, 155-ўринга тушди.
Ўзбекистоннинг биринчи ракеткаси Камилла Раҳимова эса ўз мавқеини сақлаб қолди — у WTA рейтингида 93-ўринда қолмоқда.
Дунё рейтингида ҳам “Australian Open”дан сўнг ўзгаришлар кузатилди. Мусобақа ғолиби Елена Рибакина 5-ўриндан 3-поғонага кўтарилди, Коко Гауфф эса 3-ўриндан 5-ўринга тушди.
Беларуслик Арина Соболенко рейтингда ҳали ҳам етакчиликни сақлаб турибди, иккинчи ўриндан эса польшалик Ига Свёнтек жой олган.
