АҚШда олимлар сунъий интеллект ёрдамида ишлаб чиқилган дунёдаги илк вакцинани клиник синовдан ўтказди. Бу ҳақда BBC маълум қилди.
Қайд этилишича, мутахассислар ушбу вакцинани яратиш учун сунъий интеллектдан фойдаланган. Шунингдек, вирусларнинг турли вариантларига қарши самарали бўлиши мумкин бўлган оқсил тузилмаларини таҳлил қилган холда мазкур вакцина дизайнини ишлаб чиққан.
Лойиҳа муаллифларининг айтишича, технология анъанавий тадқиқотлар учун зарур бўладиган вақтни бир неча йилга қисқартириши мумкин. Бу эса пандемиялар ва тез тарқалувчи юқумли касалликларга қарши курашда муҳим аҳамият касб этади.
Ҳозирча вакцина инсонларда хавфсизлик ва самарадорлик нуқтаи назаридан синовдан ўтказилмоқда. Дастлабки натижалар ижобий бўлса, тадқиқотчилар технологиядан грипп, COVID-19 ва бошқа касалликларга қарши янги авлод вакциналарини яратишда фойдаланишни режалаштирмоқда.
