2026 йилнинг январь–июнь ойларида Ўзбекистон дунёнинг 195 давлати билан ташқи савдо алоқаларини амалга оширди. Бу ҳақда Миллий статистика қўмитаси маълум қилди.
Қайд этилишича, мазкур даврда ташқи савдо айланмаси ҳажми бўйича Хитой Ўзбекистоннинг энг йирик савдо ҳамкори бўлган. Иккинчи ўринни Россия, учинчи ўринни эса Қозоғистон эгаллаган.
2026 йилнинг биринчи ярим йиллиги якунларига кўра, Ўзбекистоннинг ташқи савдо айланмасидаги энг йирик ҳамкор давлатлар қуйидагича:
- Хитой — 9,5 миллиард АҚШ доллари;
- Россия Федерацияси — 7 миллиард АҚШ доллари;
- Қозоғистон — 2,8 миллиард АҚШ доллари;
- Туркия — 1,4 миллиард АҚШ доллари;
- Афғонистон — 1,1 миллиард АҚШ доллари;
- Корея Республикаси — 940 миллион АҚШ доллари;
- Франция — 890,9 миллион АҚШ доллари;
- Бирлашган Араб Амирликлари — 807,7 миллион АҚШ доллари;
- Қирғиз Республикаси — 624,6 миллион АҚШ доллари;
- Германия — 623,2 миллион АҚШ доллари.
Маълумотларга кўра, Хитой ва Россия Ўзбекистон ташқи савдосида энг йирик улушга эга давлатлар бўлиб қолмоқда. Кейинги ўринларда эса Марказий Осиё мамлакатлари ҳамда Европа ва Осиёнинг йирик иқтисодиётлари жойлашган.
