Ислоҳотдан кўзланган асосий мақсад мамлакатда таълим, тарбия ва илм-фаннинг яхлит тизимини замонавий талаблар асосида ташкил этиш, таълим сифати ва самарадорлигини ошириш ҳамда инсон капиталини ривожлантириш бўйича ишларни янги босқичга олиб чиқишдан иборат.
Шунингдек, таълимнинг барча турлари ўртасидаги ўзаро узвийлик ва давомийликни таъминлаш, мактабгача таълимдан тортиб олий таълимгача бўлган барча босқичлар ҳамда илмий фаолиятни қамраб олган ягона ва самарали бошқарув тизимини жорий этиш кўзда тутилган.
Янги тизимнинг жамоатчилик олдидаги ҳисобдорлигини ошириш ҳам ислоҳотнинг асосий вазифаларидан бири ҳисобланади.
