Ўзбекистон Марказий банки 2026 йил август ойида 8 тонна олтин харид қилди. Бу кўрсаткич билан мамлакат Хитойдан кейин дунёдаги иккинчи йирик олтин харидорига айланди.
Жаҳон олтин кенгаши маълумотларига кўра, Хитой Марказий банки август ойида 20 тонна олтин сотиб олган.
Ўзбекистон йилнинг дастлабки саккиз ойида жами 50 тонна олтин харид қилган. Бу кўрсаткич билан мамлакат йил бошидан буён олтин харид қилган давлатлар орасида учинчи ўринда турибди.
Ушбу даврда Польша 98 тонна билан биринчи, Хитой эса 80 тонна билан иккинчи ўринни эгаллаган.
