Ўзбекистонга 2026 йил январь–август ойларида 614,4 миллион долларлик 54 826 та электромобиль импорт қилинди. Бу ҳақда Божхона қўмитаси маълумотларида келтирилган.
Импорт қилинган электромобиллар сони ўтган йилнинг шу даврига нисбатан 89,6 фоизга ошган. 2025 йилнинг дастлабки саккиз ойида мамлакатга 28 920 та электромобиль олиб кирилган.
Шу билан бирга, электромобилларнинг ўртача импорт нархи пасайган. Жорий йилда бир дона электромобиль ўртача 11 207 доллардан импорт қилинган бўлса, ўтган йилда бу кўрсаткич 12 389 долларни ташкил этган. Яъни ўртача нарх бир йилда 1182 долларга ёки 9,5 фоизга камайган.
Ойлар кесимида энг кўп электромобиль июль ойида — 8875 та импорт қилинган. Августда 8076 та, июнда 7845 та, майда 6952 та, апрелда 6716 та, мартда 6662 та электромобиль олиб кирилган.
Энг кам кўрсаткич январь ва февраль ойларида қайд этилган — мос равишда 4548 та ва 5152 та.
Шунингдек, июнь ойида Ўзбекистонда электромобиллар савдоси ҳам сезиларли ўсган. Бирламчи ва иккиламчи бозорда жами 8,4 мингта электромобиль сотилган бўлиб, бу май ойига нисбатан қарийб 63,5 фоиз кўп.
