Эр-хотин Том ва Тами Витморларни врачлар қизалоқ дунёга келмасдан илгари туғиладиган болада ўзгариш борлиги ҳақида огоҳлантиришган эди.
Уларнинг оиласида дунёга келган қизалоқ — Жулиана юз суякларисиз туғилди ва ҳаётининг илк 16 кунини инкубаторда ўтказишга мажбур бўлди.
Туғруқхонадан уйга келгандан кейин эр-хотин қизалоққа керагидан ортиқ меҳр-муҳаббат бериб, ғамхўрлик қилишди.
Бегоналарнинг кўзига у жуда бошқача кўринса-да, аммо Витморлар оиласи учун катта, дўстона оиланинг тенг ҳуқуқли аъзоси эди.
Жулиана бир қанча оғир операцияларни бошдан кечирди, аммо кутилган натижаларга эришиш учун яна бир қанча жараёнларни бошдан кечириши лозим бўлди.
Жулиананинг ота-онаси Украинада ҳам худди унга ўхшаш “юзсиз” қиз борлигини билиб, уни ҳам асраб олишга қарор қилишди.
Ҳозирда бу икки опа-сингил ташқи қиёфалари туфайли юзага келган қийинчиликларни биргаликда енгиб, бир-бирини ҳар томонлама қўллаб-қувватламоқда.
“Lemurov.net” нашри
