Туркиянинг Boeing 747 юк самолёти Бишкек яқинига қулаши оқибатида 20 киши ҳалок бўлди, деб хабар берди “Ria.ru” нашри.
Бугун душанба тонгида, Гонконг-Бишкек рейсини амалга ошираётган Туркиянинг Boeing 747 юк самолёти Бишкек аэропорти яқинидаги дала ҳовлилар қурилган қишлоққа қулади. Оқибатида 2 та уй ёниб кетди. Тинч аҳолидан 20 киши ва экипаж аъзолари ҳалок бўлди.
“Сўнгги маълумотларга кўра, қишлоқдаги 15 та уй вайронага айланган, 20 киши ҳалок бўлган”,– деб маълумот берди ФВВ вакили.
Ҳозирда ҳукумат вайрон бўлган уй эгаларининг аниқ сонини аниқламоқда.
Самолёт ҳалокатга учраган Соқулук туманига Қирғизистон республикаси бош вазирининг биринчи ўринбосари Муҳамматкалий Абулғозиев, ФВВ бошлиғи Қубатбек Бўронов, транспорт ва йўллар вазирлиги раҳбари Жамшитбек Калиловлар етиб келди.
