Бугун Қирғизистон ҳукумати Бишкек шаҳридаги Манас аэропортига яқин жойдаги қишлоққа қулаган Туркия самолёти оқибатида ҳалок бўлганлар хотираси учун 17 январни мотам куни, деб эълон қилди, дея хабар берди “Russian.rt.com” нашри.
“Президент фармонига асосан, Қирғизистон республикаси ҳудудида 17 январь мотам куни, деб эълон қилинди. Мотам кунида барча давлат ташкилотларида, шунингдек барча элчихоналарда Қирғизистон республикаси давлат байроғи тушириб қўйилади”, деб хабар берди ҳукумат матбуот хизмати.
Эслатиб ўтамиз, 16 январь куни Туркиянинг Boeing 747 юк самолёти Қирғизистон ҳудудида ҳалокатга учради. Сўнгги маълумотларга кўра, авиаҳалокат оқибатида 37 киши ҳалок бўлган.
