Хонанда Қиличбек Мадалиев 2016 йил 1-2 декабрь кунлари бўлиб ўтган концерт дастурига номи берилган таронасига видео кетма-кетлик суратга олдирди.
Шоир Иқбол Мирзо қаламига мансуб «Ошиқлигимни айтинг» деб номланган таронага «9999 студияси» томонидан видео яратилди. Қўшиқ мусиқаси Фазлиддин Раҳмоновга, мусиқий сайқал эса Собиров Баҳтиёрга тегишли.
Ушбу видео клип хонанданинг йил ҳисобидан илк ижодий иши саналади. Хонанда йил давомида мухлислар ҳукмига кўплаб клип тақдим этишни режалаштирган.
