Бугун, 23 январь пойтахтдаги International Hotel Tashkent меҳмонхонасида 2017-2021 йилларда Ўзбекистон Республикасини ривожлантиришнинг бешта йўналишлари бўйича Ҳаракатлар стратегияси лойиҳасининг жамоатчилик муҳокамасига бағишланган медиа-ҳафталик старт олгани ҳақида хабар берган эдик.
Медиа-ҳафталикда эксперт ва журналистлар жамоатчилиги, давлат ҳокимияти ва бошқаруви органлари, жамоат ташкилоти вакиллари, таниқли шахслар иштирок этмоқда.
Хусусан, Европада хавфсизлик ва ҳамкорлик ташкилотининг Ўзбекистондаги лойиҳалари координатори Жон Макгрегор медиа-ҳафталик ҳақида қуйидаги фикрларни билдириб ўтди:
“2017-2021 йилларда Ўзбекистон Республикасини ривожлантиришнинг бешта йўналишлари бўйича Ҳаракатлар стратегияси лойиҳасининг жамоатчилик муҳокамасига бағишланган медиа-ҳафталикнинг ташкил этилиши қувонарли ҳол. Шахсан ўзим мазкур ҳафталик Ўзбекистоннинг бугунги сиёсий ҳаётида муҳим аҳамиятга эга деб биламан. Ўзбекистонни ривожлантиришнинг бешта устовор йўнали Ҳаракатлар стратегияси лойиҳаси кенг жамоатчилик томонидан муҳокама этилишини ҳам таҳсинга сазовор деб айтиш мумкин”.
