Россиялик “Дэниэл Рэдклифф” савдо тармоқларидан бирида мерчендайзер лавозимида хизмат қилади ва ҳар куни одамлардан ўзининг Гарри Поттерга ўхшашлиги ҳақидаги гапларни эшитади, деб хабар берди “Тjournal.ru” нашри.
Январь ойида Инстаграм фойдаланувчилари красноярсклик Николай Последнинг британиялик актёр Дэниэл Рэдклиффга ўхшашлигига эътибор қаратишди. Николайнинг думалоқ кўзойнаги Гарри Поттернинг кўзойнагига ўхшагани боис у ҳазил-мутойибалар қаҳрамонига айланди.
Жоун Роулинг ўйлаб топган сеҳргар Гарри Поттернинг қиёфадоши борлигига Твиттер фойдаланувчиларидан бири эътибор қаратди. У бу ҳақда Николайнинг сурати тагида “унинг пешанасида фақатгина чақмоқ етишмаётганлиги” ҳақида изоҳ қолдирди.
