Хитойнинг шарқида жойлашган массаж салонларидан бирида чиққан ёнғин оқибатида 18 киши ҳалок бўлди, яна бир қанча киши яраланди, деб хабар берди “Lenta.ru” нашри.
5 февраль куни, кечқурун Чжэцзян вилоятининг Тяньтай уездида жойлашган массаж салонларидан бирида ёнғин чиқди. Мазкур салонда ҳаммом ва оёқлар массажи хизмати кўрсатилган. Ёнғин бир ярим соатдан кейин батамом ўчирилган. Воқеа жойидан 8 кишининг жасади топилган, яна 10 киши касалхонада вафот этган. 18 киши турли тан жароҳати билан шифохонага ётқизилган. Ёнғин акс этган видеодан иккинчи қават деразасидан сакраётган одамларни кўриш мумкин.
