Канадалик теннисчи Денис Шаповалов Девис кубоги матчида ҳакамнинг кўзига тўп билан ургани учун ўйиндан чиқарилди, деб хабар берди “Тvzvezda.ru” нашри.
Воқеа британиялик Кайл Эдмунд билан бўлган ҳал қилувчи матчнинг учинчи сетида бўлди. 17 ёшли Шаповалов ютқизаётганидан тўпни жахл билан урганда, тўп ҳакамнинг кўзига келиб тегди. Унинг бу ҳаракати учун техник мағлубият берилди.
Тўртта учрашувда теннис бўйича Буюк Британия терма жамоаси Дэвис Кубоги жаҳон гуруҳининг чоракфиналига чиқди.
“Мен ўзимнинг бу қўпол ҳаракатим билан гуруҳимни ноқулай вазиятга солиб қўйдим. Уялганимдан ўзимни жуда ёмон ҳис қиляпман”, деди канадалик теннисчи.
